Maamulka Galmudug oo ku baaqay in gurmad loo fidiyo dad ay biyo la’aan haysato

0
1749

Mas’uuliyiinta Maamulka Galmudug ayaa walaac ka muujiyay biyo la’aan ka jirta degaanno ka tirsan Gobolka Mudug, kaddib socdaal ay ku tageen deegaannada ay biyo la’aantu ka jirto, waxaana ay ku baaqeen in la caawiyo dadka ay arrintaasi saameysay.

Wasiirka Kalluumeysiga, dekadaha iyo Kheyraadka badda Galmudug Cabdiqaadir Cali Jaamac iyo xubno kale oo la socday oo dhawaan socdaal ku tegay deegaanada ay biyo la’aanta ka jirto ayaa sheegay in ay soo arkeen ceelashii biyaha oo qaarkood guray, halka kuwa kale aysan lahayn Matooro lagu isticmaalo.

“Ceel Guula, Bijeella, Ceel dhibir, waa meelaha ugu xoolaha badan deegaanada Galmudug, runtii halkaasi waxaan ku soo aragnay biyo la’aan, matooro ma lahan ceelasha, roob unbey ka helaan biyaha, ceelasha qaar dadkii qodayay ayay ku dumeen, marka waxaan rabnaa in loo gurmado dadka ay biyo la’aantu ku haysato deegaannada aan soo sheegay” ayuu yiri Cabdiqaadir.

Cabdiqaadir Cali Jaamac ayaa ugu baaqay dowladda Federaalka ah ee Soomaaliya iyo beesha caalamka inay gurmad deg deg ah la soo gaaraan dadka biyo la’aanta ku haysata deegaanno ka tirsan Maamulka Galmudug.

Did you like this? Share it:

LEAVE A REPLY

Please enter your comment!
Please enter your name here