Maamulka Galmudug oo qaadaya Howlgallo ka dhan ah Maleeshiyada Al-shabaab.

724

Ciidanka Dawlad goboleedka Galmudug ayaa qaadaya howlgal ka dhan ah Maleeshiyada Al-shabaab ee ku sugan deegaano kamid ah Galmudug.

Madaxwaynaha dawlad goboleedka Galmudug Axmed Ducaale Geelle Xaaf oo kahadlayey munaasabad lagu mideynayey ciidamada Galmudug oo horey u kala ahaa Ahlu Sunna iyo Galmudug ayaa sheegay in qorshaha Galmudug ay kula dagaalamayso Al-shabaab uu xoogaystay, islamarkaana howlgalkaasi door weyn ay ka qaadanayaan ciidamada la mideeyey shalay.

Mudane Axmed Ducaale Geelle Xaaf madaxweynaha Galmudug ayaa  ugu baaqay shacabka Galmudug inay ciidamada ku garab siiyaan hawlgalka, si maleeshiyada Argagixisada looga dulqaado dhibaatada ay ku hayaan dadka bariga gobolka Galgaduud iyo deegaano aan badnayn oo hoos taga degmada Xarardheere ee gobolka Mudug.

Galmudug oo horey loo mideeyey Baarlamaankeeda ayaa sidoo kale lagu guuleystay in laisku daro ciidankeeda oo horey ugu kala sugnaa magaalooyinka Cadaado iyo Dhuusamareeb, taas ayaana u sahleysa iney qaadaan howlgalo ka dhan ah Al-shabaab oo ku sugan degmooyin katirsan Galmudug.

Did you like this? Share it:

LEAVE A REPLY

Please enter your comment!
Please enter your name here