Maamulka Gobalka Mudug oo Bulshada u qabtay kulan loga wacyi galinayay khatarta cudurka covid 19

kulankaan oo ahaa mid bulshada looga wacyi galinayay khatarta cudurka covid 19, sidoo kalana xariga looga jarayay xarun caafimaad oo markii ugu horeeysay laga hirgaliyay deegaanka docolle  oo ku dhawaad 15 Km dhanka bari kaga beegan magaalada Galkacyo ayaa waxaa ka qeyb galay xubno ka socday labada aqal ee Baarlaamnka Fadaraalka, Xildhibaano ka tirsan kuwa Galmudug, masuliyiin ka socatay Wasaarada Arimaha gudaha Fadaraalka, Madaxweynihii hore ee Galmudug,  Gudoomiye ku xigeenka Degmada hobyo, duqo Degmada Galkacyo, Gudoomiyaha Gobalka Mudug, waxgarad Salaadiin iyo qeybaha kala duwan ee Bulshada ku nool Deegaankaasi.

Ugu horeyn waxaa kulanka daah furay Gudoomiyaha Deegaankaasi Sahal Sheekh Xasan Nuur oo ka warbxiyay baahida adeega Caafimaad ee ka jirta Deegaankaasi xiligaan oo dalka ay ka socanayaan dadaalo Caafimaad oo ku aadan ka hortaga faafida cudurka dunidu la walaacsan tahay ee Covid 19

Xildhibaanad Ubax Tahliil Warsame iyo Sanatar Cabdi Xasan Cawaale Qeybdiid ayaa iyaguna ku baaqay in laga wada qeyb qaato daboolida baahiyada caafimaad ee ka jira deegaankaasi iyo deegaanada kale ee Gobalka Mudug

Ugu danbeyna madaxweynihii hore ee Galmudug Axmed Ducaale Geelle Xaaf ayaa xusay in loo baahan yahay in la qado talaabooyin gurmad ah oo ku aadan baahiyada caafimaad ee ka jira Galmudug lana qaato talooyinka iyo fariimaha caafimaad ee ka hortaga cudurka Covid 19.

LEAVE A REPLY

Please enter your comment!
Please enter your name here