Maamulka gobolka Bakool oo lagu wareejiyay qalab caafimaad-Sawirro

0
2391

Kulanka ayaa u jeedkiisu ahaa sidii maamulka gobolka Bakool loogu wareejin lahaa qalabk caafimaad oo loogu tagalay isbitaalka magaalada Xudur kaas oo ay soo dhiibeen jaaliyadda ka soo jeeda gobolkaas oo ku dhaqan dalka Mareykanka, qaaradda Yurub, Australia iyo meelo kale oo caalamka kamid ah isla markaana ay halkan ay soo gaarsiisay hey’adda Arlaadi Aid oo fadhigeedu yahay Mareykanka.

Waxaana kulanka ka qeybgalay xildhibaan ka tirsan baarlamaanka Soomaaliya iyo mas’uuliyiin maamulka koofur galbeed ka tirsan, guddoomiyaha gobolka Bakool iyo xubno kale.

Maxamed Macalim Cabdi, oo ka wakiil ahaa hey’adda qalabka caafimaad loo soo dhiibey isla markaana ku wareejisay maamulka gobolka Bakool ayaa sheegay in ka hey’ad ahaan ay guteen amaanadii loo soo dhiibay.

Guddoomiyaha gobolka Bakool Maxamed Cabdi Tall, oo qalabka lagu wareejiyay ayaa u mahadceliyay jaaliyadda iyo hey’adda Arlaadi Aid, isagoo sheegay in ay ugu adeegi doonaan qalabkan dadkii loogu talagalay.

Isagoo sidoo kale u mahadceliyay hey’adda DDG oo gacan ka geystay in qalabkan caafimaad la gaarsiiyo magaalada Xudur ee xarunta gobolka Bakool, waxaana uu intaa ku daray in hey’addaas mashaariic badan ka fulisay gobolkaas.

Xildhibaan Sheekh Aadan Maxamed Nuur (Aadan Madoobe) oo ka tirsan baarlamaanka Soomaaliya kana hadlay kulanka ayaa sheegay in ay jaaliyadda qalabka soo dhiibtey ay mudan yihiin ku dayasho, maadaama ay sameeyeen wax qabad muuqda oo loogu adeegaayo dadka Soomaaliyeed ee ku nool gobolka Bakool.

Qalabkan caafimaad ayaa qiimahiisa ka badan yahay 200 kun oo doolar, isla markaana uu ku so aaday waqti ay baahi badan oo dhanka qalabka iyo dawada ay ka jirta, maadaama guud ahaan gobolka Bakool uusan ka jirin isbitaal laga helo adeegyada caafimaadka oo dadka u baahan yihiin.

13652500_756488407826560_1204716377_n 13664864_756488424493225_1477706735_n 13689615_756488964493171_507147635_n 13706305_756489021159832_1066677300_n

Did you like this? Share it:

LEAVE A REPLY

Please enter your comment!
Please enter your name here