Maamulka Gobolka Banaadir oo ka shiray dar dargelinta bilic soo celinta Caasimadda “SAWIRRO”

Guddoomiye ku-xigeenka Howlaha Guud ee Maamulka Gobolka Banaadir Mudane Faarax Diini ayaa shir guddoomiyay kulanka Agaasimeyaasha Waaxda Howlaha Guud. kaasi oo la isaga xog wareystay howlaha hortabinta u leh Waaxda, isla markaana loo fuliyo shaqooyinka deg dega ah ee hor yaala si bulshada magaalada Muqdisho u helaan adeegyada muhiimka ah oo ay waaxda qabato.

Guddoomiye Faarax Diini ayaa faray Agaasimeyaasha Dayactirka Baalayaasha jidadka iyo kor uqaadista Bilicda Waddooyinka, iyadoo la diyaarinayo dhuumaha ay biyaha maraan iyo hagaajinta waraha (Water Catchments), taas oo qeyb ka ah xal u helidda saameenta uu roobka u geysto bilicda Caasimadda.

Guddoomiye ku-xigeenka Howlaha Guud ayaa xusay inay ahmiyad weyn u leedahay sidii sare loogu qaadi lahaa bilicda Caasimadda, isla markaana dib u habeyn loogu sameyn lahaa goobaha ay maraan biyo mareenada biyaha wasaqeysan badda ku shuba.

LEAVE A REPLY

Please enter your comment!
Please enter your name here