Maamulka Gobolka Banaadir oo ka shiray Nadaafadda iyo arrimo kale “SAWIRRO”

0
1434

Kulan isugu yimaadeen maamulka Gobolka Banaadir, isla markaana uu shir guddoominayay Guddomiyaha Gobalka ahna duqa Muqdisho Mudane Xasan Maxamed Xuseen (Muungaab) ayaa looga hadlay dar dar gelinta ololaha nadaafadda ee gobolka, maadaama la guda galay xilli roobaad, ayna muhiitahay in bilic soo celinta caasimadda laga wada shaqeeyo.

Kulanka oo lagu qabtay xarunta Maamulka Gobolka Banaadir ee degmada Heliwaa, isla markaana ay ka qeyb galeen dhamaan Guddoomiyeyaasha Degmooyinka iyo xubno kale oo ka tirsan maamulka Gobolka ayaa diiradda lagu saaray wax ka qabashada meelaha ay biyaha roobku fadhiisteen, isla markaana la iska kaashado sidii arrimahaasi wax looga qaban lahaa.

Afhayeenka cusub ee maamulka Gobolka Banaadir ahna Agaasimaha Waaxda Warfaafinta Mudane Cabdifataax Cumar Xalane oo markii uu shirka soo idlaaday kaddib la hadlay Warbaahinta ayaa tilmaamay in ajandaha ugu weyn ee shirka looga hadlay ay tahay sidii looga shaqeyn lahaa bilic soo celinta caasimadda, maadaama la guda galay xilli roobaad, bulshada ay saameyn ku yeelaneyso roobka meelaha qaar biyo fadhiisadka ka sameystay.

Afhayeenku waxa uu xusay in shirka lagu soo hadal qaaday xoojinta amniga, iyadoo lala kaashanayo hay’adaha ammaanka oo xog la helaya shacabka Muqdisho ku nool, si looga hortago falalka ay maleegayaan maleeshiyada Al-Shabaab.

Maamulka Gobalka Banaadir ayaa wada qorshe lagu xoojinayo ololaha  la xiriira dar dargelinta nadaafadda iyo bilic soo celinta Caasimadda.

_MG_6938 _MG_6956 _MG_6974 _MG_6981 _MG_6983 _MG_6985 _MG_6989 _MG_6994 _MG_6999 _MG_7001 _MG_7004

 

 

Did you like this? Share it:

LEAVE A REPLY

Please enter your comment!
Please enter your name here