Muungaab oo qado u sameeyey salaadiin Soomaliyeed oo horkacayey Boqor Burhaan-Sawirro

2106

Gudoomiyaha gobolka Banaadir ahna Duqa magaalada Muqdisho mudane Xasan Maxamed Xuseen “Muungaab” ayaa Kulan qado ah la qaatay qaar kamid ah duubabka Soomaliyed  oo uu  kamid yahay Boqor Burhaan Boqor Muuse kaas oo ka dhacay xarunta  maamulka gobalka ee degmada Hiliwaa ee gobalka Banaadir.

Odayaasha Dhaqanka iyo Salaadiinta Soomaliyeed oo maanta Duqa Magaaldu qadada u sameeyey ayaa waxaa sidoo kale kamid ahaa Imaam Maxamed Yuusuf iyo Cali Maxamud Cali Ugaas iyo odayaal dhaqan oo kala socday inta badan beelaha Soomaaliyeed.

Boqor Burhaan Boqor muuse oo ka hadlay Kulanka ayaa kula dardaarmay umadda Soomaaliyed ee ku nool dalka iyo dibada in si wadajir ah ay ugu wada qeyb qaatan  adkeyta nabad galiyada iyo dib-udhiska dalka.

“Waxaa  la idin ka rabaa dhamaantiin in aad keentaan fikir uu wadankeena ku hagaagsanayno oo aan gacamaha is qabsano oo aan baajino dhiiga Soomaaliyeed ee daadanaya in aan raadino sidii muwaafaqo aan ku heli laheyn, inta badan dhulkii aan soo maray umadda Soomaaliyeed ee ku nool hilow iyo jeceyl ayay wadanka ku qabaan”. ayuu yiri Boqor Muuse.

Gudoomiyaha gobalka Banaadir  Mudane Xasan Maxameed Xusen “Muungaab” oo goobta ka hadlay ayaa tilmaamay  in maamulka gobalka Banaadir  iyo duubabka Soomaliyed uu ka dhaxeeyo wada shaqeyn wanaagsan  isla markaana magaalada Muqdisho ay tahay magaalada midnimada Soomaaliyed.

“Anaga maamul ahaan waxaa naga go’an marwalba in ay Muqdisho ku soo laabato muqdisha deydii,muqdisho maqaab keedi soo ceshato bilicdeydii muqdisho waligeed waa tii ahaan jirtay go gol Soomaaliyed ay noqoto oo Soomaalida  gobaladooda  iyo degmooyinkooda iyo tuuladooda in ay dhistaan waa loo baahan yahay xarun mideysa iyo calan mideeya iyo hal madaxweyne oo mideeya waa lagama maarmaan”. ayuu sheegay Muungaab.

Maamulka gobalka Banaadir ayaa kulankani  qadada ah  uu la qaatay qaar kamid ah waxgaradka Soomaaliyed ayaa qeyb ka ah kulamada ay mas’uuliyiinta mamaulka gobalka ay la yeelanayaan  dadka Soomaaliyed si ay door ugu qaadan lahaayeen horumarka dalka gaar ahaan gobalka Banaadir.

11393382_1598794103692676_8370539573860172744_o 11406159_1598794223692664_1973980353463919113_o 11411609_1598794120359341_2106078932828636296_o 11415563_1598794263692660_1214165703753826637_o 11416317_1598794270359326_1925032424149011570_o 11425561_1598794173692669_7155732099215313392_o

Did you like this? Share it:

LEAVE A REPLY

Please enter your comment!
Please enter your name here