Maamulka Gobolka Banaadir oo soo badbaadiyay dad guryo ku dumay “SAWIRRO”

Waaxda gurmadka deg dega ah ee dabdamiska dowlada Hoose Xamar iyo bulshada ku dhaqan Waaxda Yuusuf Alkowneen ee Degmada Boondhere ayaa ku guuleestay bad-baadinta laba ruux oo uu kusoo dumay dhismaha guri ay ku noolaayeen.

Howlwadeenada iyo dadweynaha deegaanka ayaa si wada jir ah ugu guuleystay bad baadinta labada ruux, maadaama uu dumay dhismaha ay ku hoos noolaayeen, waxaana dadaal dheer kaddib ay ehelada dadka dhismaha ku hoos xanibnaa ka mahadceliyeen gurmadka loo fidiyay.

Guddoomiyaha Gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa goob joog ka ahaa xiliga lagu mashquulsanaa badbaadinta dadka danta yar ee uu dhismaha kusoo dumay.

24-kii saac ee la soo dhaafay magaalad Muqdisho waxaa ka da’ay roobab xoogleh, kaasi oo lagu diirsaday, inkasta oo ay jiraan qoysas danyar ah oo uu saameeyay roobka, waxaana maamulka Gobolka Banaadir ay sheegeen inay jiraan goobo loo diyaariyay dadka uu saameeyay roobka ee aan heysan hooy kale.

LEAVE A REPLY

Please enter your comment!
Please enter your name here