Maamulka Gobolka Benadir oo kulan soo dhaweeyn ah u sameeyay fanaaniin Qaran

0
2674

Guddoomiyaha Gobolka Benaadir ayaa kulan soo dhoweyn ah u sameeyey Fannaanadda Faaduma Cali Nakruuma, iyoo munaasabaddaasi ay ka qeyb-galeen Wasiirro ka tirsan Xukuumadda Soomaaliya.

Musaabadda soo dhaweynta ah oo lagu qabtay Aqalka dowladda Hoose ee Xamar ayaa waxaa lagu soo dhaweynayay Fanaaniinta kala ah Faadumo Jaamac Cali Nakruuma, Hibo Maxamed-Guddoon Hibo Nuura iyo Luul Xasan Cali Luula oo ahayd gabartii ugu horeysay ee ka soo shaqeysa Radio Muqdisho.

Ka qeyb galayaasha munaasabadda ayaa talaabo dhiiri gelin ah ku tilmaamay in la soo dhaweeyo Fanaaniinta Qaranka ee door ku lahaa horumarka caasimadda Soomaaliya ee Muqdisho.

Faadumo Jaamac Cali Nakruuma iyo Hibo Nuura ayaa madasha ka qaaday suugaan ka hadlaysa Wadaniyadda iyo Nabadgelyada, iyagoo si wada jir ah uga mahadceliyay casuumadda uu u fidiyay.

Guddoomiyaha Gobolka Benaadir ahna duqa Muqdisho Mudane Thaabit Cabdi Maxamed ayaa sheegay in aan la xaqiri karin doorka ay haweenku ku leeyihiin horumarka dalka, isagoo xusay in haweenku ay yihiin lafdhabarka bulshada, uuna dhiiri gelinayo Soomaalida dalka dib ugu soo laabeysa ee jecel inay ka qeyb qaataan horumarinta dalkooda.

Wasiirka dhallinyarada iyo Cayaaraha ee Xukuumadda Soomaaliya Khadiijo Maxamed Diiriye ayaa sheegtay inay farxad u tahay ka qeyb galka xafladda.

 

 

Did you like this? Share it:

LEAVE A REPLY

Please enter your comment!
Please enter your name here