Maamulka Gobolka Hiiraan Oo Kormeeray Goobaha Laga Dhisay Biyo Xireenada Webiga Shabeelle “SAWIRRO”

Guddoomiyaha Gobolka Hiiraan Mudane Cali Jeyte Cusmaan, Guddoomiye ku-xigeenka siyaasadda iyo maaliyadda mudane Abuukar Sheekh Cabdullaahi Maadeey iyo Maayarka magaalada Baladweyne ayaa maanta kormeer ku tagay goobaha biya xireenada laga sameeyay, isla markaana looga hortagayo fatahaado uu sameeyo wabiga Shabeelle.

Guddoomiye ku-xigeenka Siyaasadda iyo Maaliyadda Mudane Abuukar Sheekh Cabdullaahi Maadeey oo la hadlay Warbaahinta Qaranka ayaa sheegay in guddiga u xilsaaran fatahaadda Beladweyne ay wax badan oo muuqda ay ka qebteen goobaha ay ka sameeyeen biya xireenada.

Mudane Abuukar Sheekh Cabdullaahi Maadeey ayaa tilmaamay in Maamulkooda uu gacan ka geysanayo sidii guud ahaan loo balaarin lahaa biya xireenada laga dhisay duleedka Beladweyne, si looga hortago in Webiga Sbabeelle uu fatahaad sameeyo.

LEAVE A REPLY

Please enter your comment!
Please enter your name here