Maamulka Gobolka Hiiraan oo shaaciyay in amniga gobolka uu yahay mid la isku haleyn karo

869

Guddoomiyaha Gobalka Hiiraan ayaa sheegay in amniga gobalka uu yahay mid wanagaasan, tasoo ka dambeysay wada shaqeynta ka dhaxeysa shacabka, ciidamada amniga  iyo kwua AMISOM ee gobalkaasi ku sugan.

Cabdifataax Xasan Afrax Guddoomiyaha Gobolka Hiiraan oo la hadlayay Warbaahinta Qaranka ayaa sheegay in shacabka iyo ciidanka ay isdhex marayaan, isla markaana aysan jirin dadka meelo gaar ah oo laga celinayo, isagoo xusay in wada shaqeynta ay keentay in la xoojiyo isdhexgalka bulshada gobolka.

“Waxaan dhihi karaa shacabka iyo ciidanka AMISOM waxaa ka dhexeeya wada shaqeyn buuxdo, ciidanka Jabuuti iyo kuwa Ethiopia ee gobolka ku sugan ma jiraan wax dhib ah oo ay ku qabaan bulshada, tan kalena ciidamada dowladda waxa ay yihiin kuwa inta badan la shaqeeya shacabka, tani waxa ay noo tahay guul u soo hooyatay bulshada wada degan gobolka Hiiraan” ayuu yiri Guddoomiyuhu.

Mudane Cabdifataax ayaa ka codsaday shacabka gobolka ku nool inay xoojiyaan wada shaqeynta kala dhexeysa ciidamada isku dhafka ah, si looga hortago falalka ay maleegayaan dhagar qabayaasha kooxda Shabaab.

 

Did you like this? Share it:

LEAVE A REPLY

Please enter your comment!
Please enter your name here