Maamulka Gobolka Shabeelaha Hoose oo faah faahin ka bixiyay dagaal ka dhacay Bariire “SAWIRRO”

2796

Guddoomiyaha Gobolka Shabeelaha Hoose iyo saraakiil ka tirsan ciidanka Xoogga Dalka ayaa maanta gaaray magaalada Bariire oo ay saaka weerar gaadmo ah ku soo qaadeen maleeshiyaadka Al-Shabaab.

Mudane Ibraahim Aadan Cali Najax iyo wafdiga la socday ayaa markii ay gaareen Bariire waxa ay ka xogwareysteen dagaalkii saaka Taliyaha guutada 20aad ee ciidanka Xoogga dalka Jeneraal Sheegow Axmed Cali oo sheegay in tiro maleeshiyaadka ka tisan ay ku dileen weerarkii saaka, haatanna ay si buuxdo gacanta ugu hayaan magaalada.

Maleeshiyaadka Al-Shabaab ee saaka weerarka ku soo qaaday saldhig ciidamada xoogga ay ku leeyihiin deegaanka Bariira ayaa jaray Buundada magaalada, waxaana weerar saacado kooban socday kaddib ay ciidamada Xoogga dalka ku guuleysteen inay kala eryaan maleeshiyaadkii weerarka soo qaaday.

Jeneraal Sheegow Axmed Cali Taliyaha Guutada 20aad e ciidanka xooga dalka ayaa xusay inay sii wadayaan howlgallo ka dhanka ah argagixisada Al-Shabaab, si guud ahaan gobolka looga cirib tiro.

Guddoomiyaha Gobolka Shabeelaha Hoose Ibraahim Aadan Cali Najax ayaa sheegay in iminka xaaladda deegaanka ay tahay mid degan, ayna gacanta ku hayaan ciidamada Xoogga dalka, isagoo xusay Al-Shabaab laga cirib tiriyo guud ahaan meelaha ay kaga dhuumaaleysanayaan Gobolka.’

 

Maxamed Cali Cumar Jubba

Did you like this? Share it:

LEAVE A REPLY

Please enter your comment!
Please enter your name here