Maamulka Gobolka Shabeellaha Hoose oo qiimeyn ku sameynaya saameeynta fatahaadda Webiga Shabeelle

Guddoomiyaha Gobolka Shabeelaha Hoose iyo wafdi uu hogaaminayo ayaa gaaray deegaannada Sabiib, Mareereey iyo Afgooye oo ka mid ah meelaha uu ku fatahay Wabiga Shabeelle si ay u qiimeeyaan saameenta uu fatahaaddu ku yeeshay qoysaska deegaanadaasi ku nool.

Wafdiga ayaa la kulmay shacabka ku nool deegaannada ay kormeerka ku tegeen, waxaana ujeedka socdaalkooda uu la xiriirta u kuurgelidda xaaladda dhabta ah ee deegaannadaasi ka jirta, maadaama qoysas badan ay ka barakaceen deegaannada uu webiga Shabeelle ku fatahay.

Guddoomiyaha Goblka Shabeelaha Hoose Ibraahim Aadan Cali Najax ayaa sheegay in magaalooyinka Mareereey iyo Afgooye uu yahay meelaha ugu daran ee uu ku fatahay webiga Shabeelle, isla markaana uu saameeyay qoysas badan oo beeraleey ah.

Guddoomiyaha ayaa ku baaqay in gurmad deg deg ah la soo gaarsiiyo qoysaska ka barakacay fatahaadda webiga Shabeelle.

LEAVE A REPLY

Please enter your comment!
Please enter your name here