Maamulka gobolka Sh/dhexe oo maanta dhagax dhigay iskuul laga dhisayo deegaaanka Kongo+Sawirro

2877

Deegaanka Kongo ee duleedka magaalada Jowhar ee xarunta gobolka Sh/dhexe oo ay ka jirto dhibaata dhanka waxbarashada ah ayaa manta waxa laga dhagax dhigay dhismaha islkuul ay wax bartaan dadka deegaanka oo ay iska kaashadeen qeybaha bilshada

Gudomiyaha Deegaanka Kongo Axmed Tifoow ayaa wax lagu farxo ku tilmaamay dhismaha iskuul haddii uu hirgalo isagoo maamulkana ka codsaday bixinta dhaqaalaha macalimiinta wax baraya ardaydeegaanka.

“Bulshada deegaanka dal iyo dibad ayaa iska kaashanaya waan ku faraxsanahay in manta la dhagax dhigo dhsimihiisa waxaan gobolka ka codsanaynaa inay naga caawiyaan macalimiinta marka dhismihiisu dhmaado’’ ayuu yiri gudoomiyaha deegaanka Kongo Axmed Tifoow.

Ku simaha Gudoomiyaha gobolka Sh/dhexe ahna gudoomiye ku xigeenka arrimaha dib u heshiisinta iyo Federaalka Abuukar Cali Maqani ayaa bogaadiyay dadaallada dadka deegaanku ay ku hormarinayaan adeegga bulshada.

“Waan bogaadinayna in dadka deegaanku ay dhistaan iskuulkan aan dhagax dhignay iskaashadaan waana muhiim arintani, waxaan leennahay anagana waan idin garab taaganahay waa inaan iska kaashanna dhamaanteen” ayuu yiri ku simaha gudoomiyaha maamulka G/Sh/Dhexe Abuukar Cali Maqani.

Agaasimaha Guud ee wasaarada dakadaha iyo gaadiidka badda Maxamed  Cismaan Cali  “Dhagax tuur” ayaa sheegay in iyada oo lagu jiro waqti adag hadane ay wax lagu farxo ay tahay in dadku ay ka shaqeynayaan horumarinta adeegyada muhiimka u ah nolosha bulshada

“Tani waxa ay muujinaysaa hormarka gobolka Sh/dhexe waqti adag ayaa lagu jiraa hadane dadku waxa ay go’aansadeen inay iskaashadaan iyagoo horumarinya waxbarashadooda, waxaan leeyahay dhamaan dadka gobolka ha la is kaashado, waxaana rajaynaa inaay noqoto mid ku dayasho wacan ah” Sidaasi waxaa yiri Dhagaxtuur.

vlcsnap-2016-08-08-17h04m35s71 vlcsnap-2016-08-08-17h04m44s158 vlcsnap-2016-08-08-17h06m11s10

vlcsnap-2016-08-08-17h06m40s30

Cabdishakuur Cali Axmed

Did you like this? Share it:

LEAVE A REPLY

Please enter your comment!
Please enter your name here