Maamulka Goboolka Banaadir oo carruur Soomaaliyeed ka caawiyay caafimaad dibadda ah “SAWIRRO”

Guddoomiyaha Gobolka Banaadir ahna Duqa Magalaada Muqdisho Mudane Cumar Maxamed Maxamuud (Filish) ayaa maanta garoonka diyaaradaha Aadan Cadde ka sagootiyay 3 carruur ah oo xaalad caafimaad loogu qaaday dalka Turkiga kaddib markii wadanka gudihiisa wax looga qaban waayay.

Guddoomiye ku-xigeenka arimaha bulshada Gobolka Banaadir Marwo Basma Caamir Shakeeti iyo Guddoomiyaha ururka haweenka gobolka Banaadir Marwo Jawaahir Maxamuud Jaamac Baarqab ayaa sidoo kale sagootiyay carruuurtaasi iyo waalidiintooda.

Duqa magaalada Muqdisho Mudane Cumar Maxamuud Maxamed (Cumar-Filish) ayaa ka codsaday shacabka Soomaaliyeed ee ku nool dalka Turkiga iney caawiyaan 3da carruur ah ee xanuunsan oo dalka gudihiisa wax looga qabanwaayey, kuwaas oo uu Maamulka Gobolka Banaadir maanta u diray dalka Turkiga si loogu soo daweeyo.

“Carruurtan yar yarka ah waa carruur baahi gaar ah qabta oo dhibaateysan, Maamulka Gobolka Banaadir waxa uu ka caawiyay helitaanka fiisaha iyo helitaanka tikitka iyo qidmad yar oo ay dhakhtarka la tegaan, Ummadda Soomaaliyeed ee ku nool Turkiga waxaan rabaa inaan codsi u soo jeedino oo ah in laga saacido gacan dhinac waliba ah leh oo ay dadkooda wax taraan ayaan ka codsaneynaa meelkasta oo ay Turkiga ka joogaan”. Ayuu yiri Guddoomiye Cumar Filish.

Mudane Cumar Filish ayaa yiri “Maamulka Gobolka Banaadir kuma filna baahidooda wax ka qabadashada dhanka caafimaadka ah, Ummadda Soomaaliyeed waxaan ka codsaneynaa in dadka Walaalahooda ah ee qaba baahiyaha gaarka ah iyo daruufaha caafimaad la soo gudboonaday ay caawiyaan, dadka wax haysta ha u damqadaan bulshada dhibaateysan ee Soomaaliyeed”,

LEAVE A REPLY

Please enter your comment!
Please enter your name here