Maamulka Hirshabeelle oo dar dar gelinaya howlaha Kalluumeysatada Gobolka Shabeelaha dhexe

1185

Wasiirka Wasaaradda Kalluumeysiga iyo Kheyraadka Badda ee Dowladda Maamulka Hirshabeelle ayaa kullan la qaatay iskaashatooyinka Kalluumeysiga ee Degmada Warsheekh,kaasi oo inta badan looga hadlay dhibaatooyinka heysta iskaashatooyinka Kalluumeysiga degmada Warshiikh iyo sidii lagu horumarin lahaa.

Cabdullaahi Macallim Mustaf, Wasiirka Kalluumeysiga iyo Kheyraadka Badda Maamul Gobolleedka Hirshabeelle iyo Kalluumeysatada ayaa kullankooda inta uu socday si weyn diiradda u saaray caqabadaha heysta Iskaashatooyinka ee ku aadan dhinacyada qalabka iyo amni darada mararka qaar ay la kulmaan iyo sida la iskala wada shaqeyn karo horumarinta iskaashatooyinka Kalluumeysiga ee deegaanada ku teedsan Xeebta Gobolka Shabeellaha dhexe.

Wasaaradda Kalluumeysiga iyo Kheyraadka Badda Maamulka Hirshabeelle ayaa maalmihii u danbeeyay dadaal ku bixineysay dar dar gelinta howlaha horumarinta iskaashatooyinka Kalluumeysiga eek a shaqeeya Gobolka Shabeellaha dhexe.

Gobolka Shabeellaha dhexe ayaa ka mid ah Gobollada Ilaahey ku maneystay Kheyraadka dabiiciga ah,kuwaasi oo u baahan in si wadajir ah looga faa’ideysto.

Did you like this? Share it:

LEAVE A REPLY

Please enter your comment!
Please enter your name here