Maamulka iyo bulshada gobolka Sh/dhexe oo ku guuleeystay hakinta fatahaadda wabiga

2290

Maamulka gobolka Shabeellaha dhexe ayaa sheegay in maamulka gobolka kan degmada Jowhar iyo bulshada oo iskaashanaya ay ku guuleeysteen iney hakiyaan fatahaadda wabiga Shabeele uu ka sameeyay deegaanno ka mid ah degmada Jowhar.

Abshir Caddoow Hiraabe oo ah gudoomiye ku xigeenka dhinaca amniga iyo siyaasadda ee maamulka gobolka Sh/dhexe ayaa Radio Muqdisho u sheegay in lagu guuleystay hakinta fatahaad uu wabiga Shabeelle ka geystay deegaanno ka mid ah degmada Jowhar,  isagoo hoosta ka xariiqay in arrintani ay ku timid kaddib markii bulashada iyo maamulkaba ay iska kaashadeen sameynta biyo xireenno lagu hakiyo fatahaadda Wabiga.

“Fatahaadda wabigu sameeyay wan ka hortagnay mana geysan fatahaaddaasi qasaare ka badan dalagyo uu baabi’yay, waxaana rajeyneynaa in ay hoos u dhacaan biyaha korshubka ah ee wabigu wado” ayuu yiri gudoomiye ku xigeenka maamulka gobolka Sh/dhexe ee dhinaca amniga iyo siyaasadda Abshir Caddoow Hiraabe.

Dhinaca kale gudoomiye ku xigeenka ayaa xusay in ammaanka degmada Jowhar uu aad u hagaagsanyahay la iskuna haleeynkaro, isagoo tilmaamay in sugidda amniga ay si wadajir ah isaga kaashadaan shacabka iyo ciidamada.

Wuxuu rajo wanaagsan ka muujiyay in uu dhawaan bilowdo shirkii maamul u sameynta gobollada Hiiraan iyo Sh/dhexe, isagoo tibaaxay in ay haatan socdaan kulamo looga tashanayo dib u billaabidda shirkaasi.

Did you like this? Share it:

LEAVE A REPLY

Please enter your comment!
Please enter your name here