Maamulka iyo Bulshada Xudur oo codsaday in wax laga qabto Togag xilli roobaadka Dhibaato ku haayo deegaano hoos yimaado Degmada.

Sanadadii la soo dhaafey boholo ku yaala wadada aad dhanka waqooyi ee magaalada Xuddur ayaa si joogto ah daadad ku soo rogmaday saameyn weyn ugu yeeshey dhaq dhaqaaga ganacsiga, tacbashada beeraha, isu socodka gaadiidka iyo dadweynaha, bulshada ku nool xaafada Buulow.

Saameynta xilliga togaga daadadka soo fatahaan waxa aad looga dareeymayaa maciishada cuntada quutul daruuriga oo cirka isku shareerta, beeraleyda qudaarta beerata oo daadadka latagaan, inka badan sedex kun oo qoys oo degan xaafada Buulow oo guryahooda kabarakaca iyo cuduro ka dhasha biyaha.

Qaar  ka mid ah beeraleyda ganacsatada barakacayaasha dadka degan xaafada Buulow iyo bulshada inteeda kale ayaa maamulka gobolka Bakool ugu baaqay in ay wax ka qabtaan dhibaatada ay ku qabaan marka roobab daadad wata ay ku soo da’aan deegaano kale boholaha biyaha  ku keena.

Maamulka gobolka Bakool iyo kan degmada Xuddur oo ka duulaya codsiga bulshada iyo caqabadaha jira ayaa kormeer ku tagay boholaha biyaha keena oo xiligaan aad looga cabsiqabo in biyo bax sameeyaan, waxayna baaq u direen Dowlad goboleedka Koonfur Galbeed Dowladda federaalka Soomaaliya iyo hay’adaha deeq bixiyaasha in ay gacan ka siiyaan sidii biyahaan xal loogu raadin lahaa.

LEAVE A REPLY

Please enter your comment!
Please enter your name here