Maamulka Jaamacadda Capital oo barnaamij soo dhaweyn ah u sameeyay arday ku guuleysatay imtixaanka Qabuulka+Sawirro

Maamulka Jaamacadda Capital ayaa soo gebagebeeyay munaasabad lagu soo dhaweynayay in ka badan boqol arday oo ku guuleysatay imtixaanka qabuulka ee jamacaddaasi.

Barnaamijkan oo isugu jiray, soo dhaweyn, isbarasho iyo muxaadarooyin ay bixinayeen macalimiinta Jaamacadda Capital, ayaa socday muddo labo maalmood ah.

Sidoo kale barnaamijka ayaa lagu soo bandhigay riwaayad ka hadlaysa qiimaha waxbarashada iyo dadaalka looga baahanyahay ardayda, iyadoo qaar ka mid ah ardayda jaamacadda ay halkaasi ka jeediyeen suugaan kaladuwan oo muujineysa qiimaha waxbarashada.

Prof.  Calas Xasan Maxamed oo ah isku duwaha waxbarashada ee jaamacadda Capital ayaa ardayda cusub kula dar daarmay iney muujiyaan dadaal dheeraad ah si ay uga mira dhaliyaan tacliinta ay bixineyso jaamacadda.

Wuxuu sharaxaad dheeraad ah ka bixiyay adeegyada waxbarasho iyo qaanuunka jaamacadda, iyo sidii ay ardaydu ula tacaamuli lahaayeen marxaladda cusub ee heerka jaamacadeed ah.

Madaxa ugu sarreeya jaamacadda Capital Prof. C/qaadir Wehliye Afrax oo kulankaasi soo xiray ayaa ardayda ku soo dhaweeyay jaamacadda, isagoo kula dardaarmay iney la yimaadaan dadaal dheeraad ah.

Prof. Wehliye ayaa tilmaamay in ardaydani ay yihiin dufcaddii sadexaad ee jaamacaddu qaadato, wuxuuna hoosta ka xariiqay in jaamacaddu ay furantahay sanadkii Sadexaad, isagoo xusay iney jaamacaddu kaalinta sadexaad ka gashay qiimeyn ay wasaaradda waxbarashada iyo tacliinta sare ay ku sameeysay jaamacadaha ka furan Muqdisho.

DSC04161 DSC04162 DSC04163 DSC04164 DSC04165 DSC04166 DSC04167 DSC04168 DSC04169 DSC04170 DSC04171 DSC04172 DSC04173 DSC04174 DSC04175 DSC04176 DSC04177 DSC04178 DSC04179 DSC04180 DSC04181 DSC04182 DSC04183 DSC04184 DSC04185 DSC04186 DSC04187 DSC04188 DSC04190 DSC04191 DSC04194 DSC04195

LEAVE A REPLY

Please enter your comment!
Please enter your name here