Maamulka Koonfurgalbeed ee dalka oo qorsheynaya in UGUS ay ka saaraan goobaha ay ku dhuumaaleysanayaan

1305

Wasiirka Warfaafinta Maamulka Koonfurgalbeed Soomaaliya ayaa shaaciyey in deegannada fare ku tiriska ah oo ay kaga harsanyihiin maleeshiyaadka UGUS, laga saari doono, isla markaana dhawaan la sameyn doono howlgallo lagu cirib tirayo kooxdaasi.

Mudane Xasan Cabdi Maxamed oo lahady Radio Muqdisho ugu horeyn faah faahin ka bixiyay xaaladaha amni iyo horumar ee ka jirta deegaannada maamulka Koonfurgalbeed, isaoo xusay in ay jiraan howlgallo ay ciidamada ka wadaan deegaanno ka tirsan maamulkaasi.

“Waxaan rajeynayaa nimaanka waa gabawsi oo gabalkooda sii dhacay, waa neef qalan oo rafanaya, waxa ay rabaan inay Ummadda sii galaaftaan, anagoo kaashaneyna dowladda Federaalka ah ee Soomaaliya waxaa noo qorsheynsan in aan gebi ahaanba ka saarno deegaannada ay ku dhuumaaleysanayaan, nimanka waa codow, inta ay ka baxayaan gobollada Koonfurgalbeed iyo geyiga Soomaaliya waan daba taagnaan doonaa” ayuu yiri Wasiirka Warfaafinta ee Maamulka Koonfurgalbeed ee dalka.

Mudane Xasan ayaa ka codsaday shacabka ku nool deegaannada maamulka Koonfurgalbeed in ay xoojiyaan wada shaqeynta kala dhexeyso ciidamada amniga, si guud ahaan looga sifeeyo deegannada ay haraadiga ku yihiin.

Did you like this? Share it:

LEAVE A REPLY

Please enter your comment!
Please enter your name here