Maamulka Rabdhuure oo codsaday in argagixisada laga xoreeyo Degmada Rabdhuure

Maamullka Degmada Rabdhuure ayaa sheegay in shacabkii ka soo jeeday deegaankaasi ay xaalad dhibaato ku heysato Degmada Xudur, ayna u baahanyihiin in dib loogu xoreeyo degmadii ay ka soo barakaceen.

 

Cabdullaahi Iidow Axmed Guddoomiyaha Degmada Rabdhuure oo la hadlay Radio Muqdisho ayaa sheegay in qoysas badan oo ka soo jeeda Rabdhuure ay barakac ku yihiin Degmada Xudur, isla markaana ay halkaasi ku heysato xaalado nololeed oo aad u liidata.

“Waxaan ka codsaneynaa Dowladda Dhexe iyo Maamulka Koonfur Galbeed in shacabka ku dhibaateysan Xudur ee ka soo barakacay Rabdhuure kaalmo lala soo gaaro, isla markaana loo xureeyo degmadii ay ka soo jeedeen, maadaama ay Xudur ku heysato xaalado nololeed oo aad u liidato”ayuu yiri Guddoomiyaha Rabdhuure.

Guddoomiyaha ayaa xusay in kan maamul ahaan ay qorsheynayaan sidii mashaariic looga hirgelin lahaa Rabdhuure, balse loo baahanyahay in deegaankaasi laga cirib tiro argagixisada Al-Shabaab.

 

 

LEAVE A REPLY

Please enter your comment!
Please enter your name here