Maamulka xarunta xanaanada agoonta Jambaluul oo ka warbixiyay xaaladda xarunta (Video+Sawirro)

2767

Maamulka Hey’adda Shabeelle Foundation iyo Wazda ayaa booqday xarunta xanaanada caruurta agoonta ee deegaanka Jambaluul ee gobolka Shabeelaha Hoose.

Ujeedada kormeerka mas’uuliyiinta hey’adda Shabeelle Faoundation iyo Wazda ayaa ahaa u kuurgelidda xaaladda nololeed iyo tan waxbarasho ee caruurta ku jirta xarunta xanaanada agoonta ee Jambaluul.

Maamulaha xarunta xanaanada agoonta ee Jambabaluul ayaa warbixin ka siiyay mas’uuliyiinta hey’adda, xaalada waxbarasho ee caruurta lagu xanaaneeyo xaruntaasi.

Wuxuu tilmaamay in xarunta ay iminka ku jiraan 556 caruur agoon ah,  kuwaas oo isugu jira gabdho iyo wiilal, wuxuuna intaasi raaciyay in xaruntu ay bixiso waxbarasho isugu jirta Diini, maaddi iyo tarbiyo, isagoo dhinaca kale xusay in xarunta ay ka howlgalaan 13 macalimiin ah oo aqoon durugsan u leh barbaarinta caruurta.

Xiriiriyaha guud ee hey’adda Shabeelle Foundation Mustaf Guure oo halkaasi hadal ka jeediyay ayaa sheegay in hey’addu ay gacanta ku heyso xaruntaasi islamarkaana ay bixiso dhaqaalaha ku baxa waxbaridda iyo barbaarinta caruurta ku jirta xarunta Jambaluul.

Isagoo hadalkiisa sii wata ayuu intaasi raaciyay in hey’addu sidoo kale ay ka shaqeyso Beeraha, Caafimaadka, iyo waxbarashada Shabeelaha hoose.

Xiriiriyaha hey’adda Shabeelle Foundation ayaa dhinaca kale hoosta ka xariiqay iney sii kordhin doonaan taakuleynta xarunta xanaanada agoonta ee Jambaluul.

Sidoo kale xiriirayaha hey’adda Shabeelle ayaa ugu baaqay dadka Soomaaliyeed ee wax heysta iney taageero dhaqaale  la soo gaaraan xarunta xanaanada caruurta agoonta ah ee Jambaluul.

Dhinaca kale madaxa hey’adda Wazda marwo Siraad Maxamed Jimcaale oo munaasabadda ka hadashay ayaa uga mahadcelisay he’adda Shabeelle Foundation mas’uuliyadda ay iska saartay xanaaneeyna caruurta ku jirta xarunta agoonta ee Jambaluul.

Waxey tilmaantay in  ururkeeda isu tagga haweenka uu wax u qaban doono haweenka iyo caruurta.

Xarunta aqoonta Jambaluul oo la aas’aasay 7-06-2013 ayaa waxaa mudadaasi taakuleynayay hey’adda Shabeelle Foundation oo ka howlgasha gobolka Shabeellaha Hoose.

vlcsnap-2015-02-15-16h56m00s248 vlcsnap-2015-02-15-16h56m15s151 vlcsnap-2015-02-15-16h56m26s250 vlcsnap-2015-02-15-16h56m37s104 vlcsnap-2015-02-15-16h56m50s242 vlcsnap-2015-02-15-16h57m13s223 vlcsnap-2015-02-15-16h57m30s119 vlcsnap-2015-02-15-16h58m35s252 vlcsnap-2015-02-15-16h58m47s127 vlcsnap-2015-02-15-16h59m23s232 vlcsnap-2015-02-15-16h59m44s175 vlcsnap-2015-02-15-17h00m28s119 vlcsnap-2015-02-15-17h00m39s232 vlcsnap-2015-02-15-17h00m51s89 vlcsnap-2015-02-15-17h01m13s54 vlcsnap-2015-02-15-17h03m49s69 vlcsnap-2015-02-15-17h04m14s70 vlcsnap-2015-02-15-17h04m23s165

Did you like this? Share it:

LEAVE A REPLY

Please enter your comment!
Please enter your name here