Maareeyaha Cusub ee Golaha Murtida iyo Madadaalada Qaranka oo Si Rasmi ah Xilka ula wareegay.

Maareeyihii hore Golaha Murtida iyo Madadaalada Qaranka mudane Maxamed Abuukar Axmed {Ma’da} ayaa maanta xilka ku wareejiyay Maareeyaha cusub Abwaan Cabdulqaadir Cabdi Yuusuf {Shube} oo uu Wasiirka Warfaafinta XFS Mudane Maxamed Cabdi Xayir (Maareeye) u magacaabay Maareeyahaa golaha murtida iyo madadaalada Qaranka.

Maareeyihii hore mudane Maxamed Abuukar Axmed {Ma’da} ayaa sheegay in wax badan lasoo qabtay waxne ay dhimanyihiin, isagoo Maareeyaha cusub kula dardaarmay inuu meeshaas kasii wado.

Maareeyaha cusub ee Golaha Murtida iyo Madadaalada Qaranka Abwaan Cabdulqaadir Cabdi Yuusuf {Shube} ayaa Maareeyihii hore uga mahadceliyay shaqadii uu usoo qabtay Qaranka, isagoo xusay inuu halkaas ka sii wadi doono.

Wasiirka Wasaaradda Warfaafinta Dhaqanka iyo Dalxiiska, Mudane Maxamed Cabdi Xayir Maareeye oo goobjoog ka ahaa xil wareejinta ayaa Maareeyihii hore uga mahadceliyay shaqadii wanaagsaneyd ee uu Qaranka usoo qabtay, isagoo Maareeyaha cusub kula dardaarmay in uu shaqada halkeeda kasii wado.

Sidoo kale waa Xilwareejinta goobjoog ka ahaa Agaasimaha Guud ee Wasaaradda Warfaafinta, Dhaqanka iyo Dalxiiska iyo qaar ka mid ah agaasime waaxeedyadda Wasaaradda.

LEAVE A REPLY

Please enter your comment!
Please enter your name here