Maareeye ku xigeenkii garoonka Aadan Cadde oo maanta la diley

4316

Kooxo hubeysan ayaa Duhurnimadii maanta waxaa ay ku dileen Allaha u naxriistee Maareeye ku xigeenkii garoonka Diyaaradaha ee Aadan Cadde Maxamed Kadiye Jimcaale iyo 3 ruux oo uu ku jiro daraawalkiisa.

Falka dilka ah ayaa waxaa sida goob joogiyaal ay sheegeen uu ka dhacay agagaarka Isgoyska KM 4 ee magaalada Muqdisho, waxaana markii uu falka dhacay ka dib soo gaaray goobta Ciidamada Amniga ee Soomaaliya, wararka ayaa intaa u daraya in kooxdii dilka geysatay ay goobta ka baxsadeen.

Wasiirka Warfaafinta Hidaha iyo Dalxiis Mudane Maxamed Cabdi Xayir Maareeye ayaa ka tacsiyeeyay geerida Allaha u naxriistee ku xigeenkii Maareeyaha garoonka diyaaradaha ee magaalada Muqdisho.

Wasiirka Warfaafinta ayaa sidoo kale sheegay in kooxihii falkan ka dambeeyay ay laamaha Amniga ay ku daba joogaan isla markaana sharciga la horkeeni doono.

Did you like this? Share it:

LEAVE A REPLY

Please enter your comment!
Please enter your name here