Machadka Express, Jaamacadaha Makerere, Kenyata iyo SIU oo tartan aqooneed soo xiray “SAWIRRO”

Munasbaadaan lagu soo gaba gabeynayey tartan cilmiyeed lagu weyneynayay bisha barakeysan ee Ramadaan ayna iska kaashanayeen Jaamacadda SIU, oo bah wadaag la ah Jaamacadaha Makarere iyo Kenyata University oo dalalka Uganda iyo Kenya, iyo Machadka Luuqadaha Express ayaa loo qabtay ardayda dhigata machadkaasi, ayado ay ka qeyb galeen mas’uuliyiin iyo marti sharaf oo munaasabadda lagu casuumay .

Xafladda intii ay socotay ayaa ardayda waxaa su’aalo lagu tijabinayay aqoontooda waxbarasho weydinayay macalimiinta kasocday Jaamacadaha aan ko ku soo xusnay, iyadoo ay ardayda ka jawabayeen su’aalihii la waydiiyay.

Macalim Cabdulqadir Xaashi oo ah Maamulaha Machadka Express oo ka hadlay munasabada ayaa tilmaamay in tartankan uu ahmiyad gaar ah u leeyahay ardayda dhigatay Machadka, isla markaana ay wax badan ka faa’iideen.

“Sida caadada ah Machadka Express sanadkasta waxa uu qabtaa marka la gaaro bisha Barakeysan ee Ramadaan tartan loogu magac daray  Tartanka bisha Ramadaan oo macnihiisu yahay in ardayda ay ku soo bandhigaan waxa ay soo barteen,  ayna kala faa’iideystaan, sidookale waxaa ka mida isbarasho ardayda Machadka Express” ayuu yiri Cabdiqaadir Xaashi.

Saraakiil ka socotay Jaamacadaha Makeree iyo kenyta oo hadalo ka soo jeediyay munaasabada ayaa waxay sheegeen sida ay ula dhacsanyihiin horumarka macahadka Express oo ka sameenyo dhinica barashada luuqadda Englishka.

Cabdulaahi Goomeey oo ku hadlayay Magaca Jamacadda SIU ayaa ardayda tartaka ku guuleysatay ugu hambalyeeyay guusha ay gaareen, isagoo kula dar daarmay in ay sare u qaadaan xirfadooda aqooneed.

“Runtii aad baan ugu faraxsanahay madaama Kooxda aan tageerayay laga badiyay,  macnaheedu waxa weeye dhibcaha kala hooseya moral ayaa laga helayaa, Laakiin niyad jab ma lahan aad baan uga mahadcelinayaa, waan hambalyeynayaa ardayda iyo maamulka Machadka Express sida wanaagsan ee isdhaxgalka ardayd ugu sameeyeen, markale haddii aan nahay bahda Jaamacadda SIU hambalyo ayaan leenahay” ayuu yiri Cabdullaahi Goomeey.

Intii ay socotay munaasabda ayaa waxaa abaal marino iyo koobab la guddoonsiiyay ardaydii ku guleeysaty tartanka iyo kuwii kale ee galay kaalimaha koowaad, labaad iyo saddexaad.

vlcsnap-2015-07-15-17h22m27s194 vlcsnap-2015-07-15-17h25m41s91 vlcsnap-2015-07-15-17h28m21s157 vlcsnap-2015-07-15-17h29m03s66 vlcsnap-2015-07-15-17h30m18s43 vlcsnap-165520 vlcsnap-165717 vlcsnap-165841 vlcsnap-165949 vlcsnap-166307 vlcsnap-166605 vlcsnap-167287 vlcsnap-167535 vlcsnap-167909 vlcsnap-168109 vlcsnap-168716 vlcsnap-168879 vlcsnap-169210 vlcsnap-169558 vlcsnap-170090 vlcsnap-170200 vlcsnap-170402 vlcsnap-170670 vlcsnap-170878 vlcsnap-171385 vlcsnap-171699 vlcsnap-171862 vlcsnap-171957