Macalinka Banaadir SC Hussein Mbalangu oo dalka dib ugu soo laabtay

1355

Macalinka kooxda Banaadir Sc ayaa dalka dib ugu soo laabtay kadib booqasho uu ku aaday qoyskiisa iyo dalkiisa hooyo ee Uganda bilowgii bishii Barakeysneed ee Ramadaan, Saacad ka hor ayuu ka soo degay garoonka Aadan Cade ee magalada muqdisho waxaana halkaasi ku soo dhaweeyay qaar ka mid ah masuuliyiinta ugu sareyso kooxda Banaadir Sc.

Macalin Hussein Mbalangu markii uu ka soo dhaqaaqay garoonka Diyaaradaha waxaa uu si toos ah ugu qayb galay xaflad qado sharaf ahayd oo loo sameeyay kooxda Banaadir qaybaheeda kale duwan sida Juunyarkii kaalinta labaad ka galay koobkii dhawaan la soo gaba gabeeyay oo Elman ay rigoorayaal ay ugu qaaday iyo waliba kuwa ka hooseya labaatanka, qadada kadib ayuu macalin Hussein Mbalangu waxaa uu sheegay in howsha kooxda Banaadir Sc dhowaan dib ay u bilaaban doonto ayadoo tababarka kooxda waa weyn uu horey u sii waday macalinka labaad ee kooxdaasi Mustaf Faransa.

Hussein Mbalangu Hassan ayaa waxaa uu dib u bilaabi doono shaqadiisa kooxda Banaadir Sc oo diyaar garoow ugu jirta ka qayb galka koobka Horyaalka Xidigaha oo markii ugu horeysay daaha laga qaadi doono maalinta Jimcaha waana markii ugu horeysay oo tartankaasi la qaban doono.

Hussein Mbalangu ayaa ku sugnaa kooxda Banaadir Sc galab tan iyo sanadkii 2013 waana Macalinka ugu waqtiga dheer macalinka ka howl gala gudaha dalka waxaana Macalin Hussein Mbalangu uu u suurta geliyay kooxda Banaadir Sc horyaalka Soomaaliya xili ciyareedkisii ugu horeyay ayadoo sidoo kale tan iyo markii uu yimid kooxda ay ku dhameysaneysya kaalimaha kowaad iyo labaad ma jirto Banaadir oo ku dhameysatay kaalinta sadexaad waana sababta kooxda Banaadir ay u jecelyahiin masuuliyinta kooxda Banaadir.

Did you like this? Share it:

LEAVE A REPLY

Please enter your comment!
Please enter your name here