Madax howlgalka AMISOM oo ka hadlay howlgallada ka dhanka ah Al-Shabaab

Wakiilka Midowga Afrika ee Soomaaliya ahna Madax howlgalka AMISOM Danjire Francisco Caetano Jose Madeira ayaa shir jaraa’id oo uu ku qabtay xarunta AMSIOM ee Xalane ayaa ugu horeyn ka hadlay howlgalkii lagu qabtay deegaano hoostaga Gobolka Shabeelaha Dhexe, oo laga eryay maleeshiyada Al-Shabaab.

“Anaga iyo ciidanka Qaranka Soomaaliya waxaan gaarnay guulo la taaban karo howlgalkii aan ka sameynay magaalooyin ka tirsan Gobolka Shabeelaha Dhexe, waxaana dib u sii riixnay maleeshiyaadka Al-Shabaaab, waana sii wadaynaa ilaa ay ka dhameestirno dhamaan goobaha ay haraadiga ku yihiin, waxaan magaalooyinkaas ka mid ah Ceel-baraf, Biyao-cadde iyo kuwa kale”ayuu yiri Danjire Francisco Caetano Jose Madeira.

Hirgelinta qodobadii ka soo baxay shirkii Jabuuti ay ku yeesheen Madaxda ciidamada ay ka joogaan Soomaaliya ayuu ku sheegay inay muhiim u tahay dagaalka ka dhanka ah Al-Shabaab.

“Hadii loo hirgaliyo sida loo qorsheeyay go’aankii ay sameeyeen madaxda wadamada Ay ciidamada ka joogaan Soomaaliya waxa ay faa’iida u tahay si gaar ah Soomaaliya  in horumar la taaban gaaro la gaaro Dagaalka lagu jiro Argagixisada kaasoo sameynaya Wadank” ayuu hadalkiisa ku daray Madeira.

Madaxa Howlgalka AMISOM ayaa bogaadiyay tallaabooyinka loo qaaday doorashooyinka  iyo wada shaqeynta wanaagsan ee ka dhaxaysa AMISOM iyo ciidamada qalabka sida ee Soomaaliya, isagoo intaa ku daray in amniga uu yahay ahmiyadda koowaad ee dalka.

Ugu dambeyn Wakiilka Midowga Afrika ee Soomaaliya ahna Madax howlgalka AMISOM Danjire Francisco Caetano Jose Madeira ayaa ku tilmaamay Kooxda Al-Shabaab mid aan dooneyn Nabadda iyo nolol, loona baahan yahay in meel looga soo wada jeesto

 

 

LEAVE A REPLY

Please enter your comment!
Please enter your name here