Madaxa Hay’adda UNHCR Antonio Guters oo booqday xeryaha qaxootiga ee Dhabaab “SAWIRRO”

0
1338

Madaxa Hay’adda Qaramada midoobay u qaabbilsan arrimaha qaxootiga ee UNHCR, Antonio Guters oo uu wehliyo Wasiiru dowlaha arrimaha gudaha ee xukuumadda Soomaaliya Mudane Cabdirashiid Maxamed Xidig ayaa booqday xeryaha qaxootiga Dhadhaab ee Waqooyi bari ee dalka Kenya, halkaasi oo ay ku jiraan Qaxooti u badan Soomaali.

Antonio Guters iyo mas’uuliyiinta la socotay ayaa ujeedka socdaaalkooda la xiriirtay u kuurgelidda xaaladda nololeed ee dadka ku nool xeryaha Qaxootiga Dhadhaab iyo sida ay u socdaan hawlaha samafalka.

Mas’uuliyiinta ayaa la kulmay madaxda hay’adaha samafalka ee ka hawlgala xeryaha iyo horjoogeyaasha dadka ku nool xeryahaasi, kuwaas oo ka warbixiyay xaaladda dadka ku nool xeryaha.

Wasiiru-dowladaha arrimaha gudaha ee Xukuumadda Soomaaliya Mudane Cabrashiid Maxamed Xidig oo goobta hadal ka jeediyay ayaa tilmaamay in dowladda ay xoogga saari doonto sidii dib u dajin loogu sameyn lahaa Qaxootiga Soomaaliyeed ee ku jira Xeryaha Qaxootiga ee Dhadhaab.

Antonio Guters ayaa waxaa sidoo kale socdaalkiisa Dhadhaab ku wehelinayay mas’uuliyiin ka tirsan dowladda Kenya.

Xerada qaxootiga Dhadhaab ee dalka Kenya oo ah xeryaha qaxooti ee ugu weyn dunida ayaa waxaa ku nool dad tiradooda lagu qiyaasay ku dhawaad Nus-malyuun qof oo u badan Soomaali.

DSC07334 DSC07340 DSC07345 DSC07347 DSC07350

 

Axmed-nuur Dhadhaab Kenya 

 

 

Did you like this? Share it:

LEAVE A REPLY

Please enter your comment!
Please enter your name here