Madaxa siyaasadda Midowga Yurub oo joojisay booqasho ay ku tegi lahayd Israa’iil

1126

Madaxa siyaasadda Midowga Yurub Federica Mogherini , ayaa joojisay booqasho rasmi ah oo ay Axadda berri ah ku tegi lahayd Israa’iil, sida ay Jimcihii shalay sheegtay warbaahinta Yuhuudda.

Mss; Mogherini, ayuu qorshaheedu ahaa inay ka qayb gasho kulan ay Isniinta soo socota ku yeelan lahaayeen Magaalada Qudus Bulshada Yuhuud Ameerikaanka ah iyo Ururrada aan Dowliga ahayn ee Israa’iil.

Federica Mogherini, ayaa baaqashada safarkeeda loo aaneynayaa markii uu Ra’iisul Wasaaraha Israa’iil Benjamín Netanyahu diiday inuu kulan la yeesho Gabadha madaxa ka ah siyaasadda Midowga Yurub ee Federica Mogherini.

Federica  Mogherini ayaa Benjamín Netanyahu u qortay Warqad ay kaga codsanayso inuu ku ballan gaar ah ugu sameeyo Xafiiskiisa taasoo uu isna ku Gacan saydhay, sida uu tebiyay TV-ga Channel Two .

Xurguftan soo kala dhec gashay Madaxa siyaasadda Midowga Yurub Federica Mogherini iyo Ra’iisul wasaaraha Israa’iil Benjamín Netanyahu ayaa loo aanaynayaa mowqifkii uu Midowga Yurub ka istaagay qaddiyadda Falastiin iyo aayaha Magaalada Qudus.

Federica Mogherini , ayaa Bishii January ee Sanadkan ka sheegtay Magaalada Brussels in Midowga Yurub uu kasoo hor jeedo go’aankii Donald J.Trump uu ku doonayay inuu Safaaradda Maraykanka uga furo Qudus.

Did you like this? Share it:

LEAVE A REPLY

Please enter your comment!
Please enter your name here