Madaxda Dowladda Federaalka Oo Loogu Baaqay Wax Ka Qabashada Baahiyaha Ka Jirta Jaamacadda Ummadda Faraceeda Galmudug “SAWIRRO”

Kulankan ay soo qaban qaabiyeen maamulka Jamacadda Ummadda faraceeda Galmudug ayaa looga hadlay baahiyo wali ka taagan dhanka Horumarinta ee Faraca Jaamacadda ay ku leedahay Galmudug iyo waxa ka qabsoomay balanqaadyo horay ay ugu sameeyeen Jaamacadda madaxda dalka.

Waxaa sidoo kale intii uu socday kulanka loogu hambalyeeyay Dufcadii 1-aad ee ka qalanjabisa Jaamacadda Ummadda Faraceeda Galmudug, kuwaas oo dhamaystay kuliyadaha Dhaqaalaha iyo Culuumta Caafimaadka.

Agaasimaha Jaamacadda Ummadda faraceeda Galmudug Maxamuud Maxamed Cali Dirir ayaa baaq u diray dowladda Federaalka inay dhameystiraan baahiyaha ka jirta Jaamacadda Ummadda faraceeda Galmudug, si ay u fuliyaan balanqaadyadii ay kal hore sameeyeen Madaxda dowladda.

Muuse Maxamed Axmed (Muuse Inji) iyo Xubno ka tiran Guddiga waalidiinta oo qayb ka ahaa kulanka ayaa dhankooda ka hadlay oo sheegay inay aad ugu faraxsanyihiin ardayda ka qalin badalaneysa heerka koowaad ee Jaamacadda.

Wasiirka Wasaaradda Arimaha Gudaha Faderaalka iyo Dibuheshisiinta Galmudug mudane Cabdi Maxamed Jaamac (Cabdi Waayeel) ayaa ugu hambalyeeyay Maamulka iyo Barayaasha Jaamacadda Horumarinta ay ku wadaan Jaamacadda,  waxaana uu gabagabadii baaq u diray madaxda Dowladda Federaalka Soomaaliya oo ku aadan in maamulka Jaamacadda Ummadda laga haqabtiro baahiyaha ay sheeganayaan.

LEAVE A REPLY

Please enter your comment!
Please enter your name here