Madaxda Galmudug iyo Xildhibaanno ka tirsan Baarlamaanka oo kulan qado loo sameeyay “SAWIRRO”

Madaxweynaha Dowlad Goboleedka Galmudug mudane Axmed Cabdi Kaariye Qoor Qoor, oo uu wehliyo Madaxweyne ku xigeenka Galmudug mudane Cali Daahir Ciid ayaa qado sharaf maanta loogu sameeyay duleedka Deegaanka Mareergur,  waxaana qado sharafta ku wehliyay Xildhibaanno ka tirsan Dowladda Federaalka Soomaaliya, Siyaasiyiin iyo Waxgarad ka soo jeeda deeganka Galmudug.

Ujeedka qada sharafta ayaa aheyd taageerada Maamulka curdunka ah ee Galmudug iyo soo dhaweynta Xildhibaanada Dowladda Federaalka Soomaaliya, Siyaasiyiin iyo Waxgarad ka soojeeda Deeganka Galmudug sidoo kalana waxaa lagu taageerayey Tanaasulkii Madaxwaynihii hore ee Galmudug Axmed Ducaale Geelle uu sameeyay.

Madaxweyne ku xigeenka Dowlad Goboleedka Galmudug, mudane Cali Daahir Ciid oo soo xiray kulanka qada sharafta ayaa u mahad celiyay bulshada marti qaadka sameysay, Cali Ciid ayaa baaq nabadeed u diray beelaha walaalaha ah ee ku dagaallamay deegaanka Furinta Fooro, waxa uuna sheegay in Galmudug ciidamo kala dhax gala beelehaas u dirtay deeganka Furinta Foore.

LEAVE A REPLY

Please enter your comment!
Please enter your name here