Madaxda Qaranka oo ka qeyb gashay xuska 15-ka May oo ka socota Aqalka dowladda Hoose ee Xamar

0
1837

Munaasabad ballaaran oo lagu weyneynayo maalinta dhallinyarada Qaranka Soomaaliyeed iyo xuska ururkii gobonnimo doonkii Soomaliyeed ee SYL, taas oo ay ka qeyb-galaan  madaxweynaha Jaamhuuriyadda iyo madax kale, ayaa ka socota xarunta aqalka dowladda ee Hoose ee Xamar.

Munaasadda xuska 74-guuradii ka soo wareegatay markii la aas-aasay ururkii dhallinyarada ee SYL sannadkii 1943, oo ahaa dhallinyaradii Soomaaliyeed ee bilowdey halgalkii gobonnimo doonka Soomaaliyeed oo markii dambe dalka looga xoreeyey heeryadii gumeysteyaashii dalka ku sugnaa, ayaa la weyneynayaa, waxaana joogta masuuliyiin uu ugu  sareeyo madaxweynaha Jamhuuriyadda Soomaaaliya, Mudane  Maxamed Cabdullaahi Farmaajo, Guddoomiyaha baarlamaanka Federaalka ah ee Soomaaliya Mudane Maxamed Sheekh Cismaan Jawaari, Ra’iisul Wasaare ku-xigeenka dalka Mudane Mahdi Maxamed Guuleed, Wasiirka dhallinyarada iyo Ciyaaraha Soomaaliya Marwo Khadiijo Maxamed Diiriye, Xildhibaannada labada Aqal, Guddoomiyaha gobolka Banaadir ahna duqa Muqdisho Mudane Taabit Cabdi Maxamemd, diblomaasiyiin, marti sharaf  iyo madax kale.

Munaasabadda waxaa joogta fannaaniinta Hobolada Danan ee Wasaaradda Dhallinyarada iyo Ciyaaraa Soomaaliya oo soo bandhigaya heeso ka hadlaya muhiimadda xuska 15-ka May oo ah maalin Qaran, iyadoo ay sidoo kale joogaaan dhallinyaro Soomaaaliyeed oo meelo kala duwan ka timaaadey.

 

Did you like this? Share it:

LEAVE A REPLY

Please enter your comment!
Please enter your name here