Madaxda Safaaradda Soomaaliya ee South Africa oo kulan la qaadatay Jaaliyadda Soomaaliyeed ee Gobolka Limpopo “Sawirro”

0
2555

Madaxda Safaaradda Soomaaliya ee K/Afrika ayaa kulan kula  qaadatay Jaaliyadda Gobolka Limpopo Magaalada Polokwane ee dalkaasi xilli ay safarro shaqo ku marayeen qaar ka mid ah Gobolada ay Soomaalida u badantahay.

Danjiraha Dowladda Soomaaliya u fadhiya K/Afrika,Danjire Jamal Barrow Qunsulka Mudane Maxamed Cali MIre ( Nabadoon) iyo Xoghaya Koowaad Mudane Ismaciil Cabdalle Soomane oo kulamo gooni gooni ah la qaatay qaar ka tirsan Madaxda Jaaliyadda ​​ayaa waxa ay kulamadooda ku saabsanayeen kala warqaadasho iyo sida loo heli lahaa Jaaliyad mideysan,waxeyna Safaaradda ka codsadeen inay Safaaradda ka caawiso sidii loo heli lahaa hal Jaaliyad.
Gudoomiyaha Jaaliyadda Polokwane,Dahir Hilowle Xasan oo ka mid ahaa dadkii Kulankan ka hadlay ayaa ugu horeyntii soo dhaweeyay safarka Madaxda Safaaradda isagoo sheegay inay muhiim tahay iska warqabka Safaaradda iyo Jaaliyadda,waxa uuna ka codsaday inay wax ka qabato dhibaatooyinka Soomaalida xagga Sharciyada ka heysta.
“Mudane Safiir kusoo dhawow Limpopo waa Jaaliyad isku xiran oo aan laheen Jaaliyado badan,dadkaan waxey ku faraxsanyihiin soo booqashadaada waxaan kaa codsaneynaa in Soomaalidu sagaalka Gobol aad mideysaan”ayuu yiri Gudoomiye Dahir Hilowle.
Qaar ka mid ah dadkii kasoo qeybgalay Kulanka Jaaliyadda iyo Madaxda ayaa waxey su”aalo ka weydiinayeen Waxqabadka Safaaradda iyo howlaha ay mustaqbalka hiigsaneyso.
Ugu dambeyntii Danjire Jamal Barrow oo la hadlay Jaaliyadd Gobolka Limpopo ugu mahad celiyay Jaaliyadda soo dhaweynta,waxa uu Jaaliyadda K/Afrika ku amaanay inaytahay Jaaliyadda kaliya ee furatay Safaarad,ayna Safaaradda waddo dadaal badan oo ku aadan waxkaqabashada dhibaatooyinka Jaaliyadda gaar ahaan Sharciyada.
“​​​​​​​Safaaradda wax badan way qabatay wax badan oo kale ayaa u dhiman,waan ognahay inaad ku dhibantihiin Sharciyada wadahadal ayaa inoo socda Dowladda K/Afrika,hadii aan garabka is qabsano wax yaabo badan ayaan qaban karnaa” ayuu yiri Danjire Jamal Barrow.
Todobaadkii hore ayay Madaxda Safaaradda Soomaaliya ee K/Afrka booqatay Magaalada Restenburg waxa ay kulan la qaadatay Jaaliyadda Soomaaliyeed ee Gobolka North West, iyadoo tani ay noqoneyso sii xoojinta xiriirka Jaaliyadda iyo Safaaradda.
WD:C/qaadir Axad,Limpopo
IMG_0637 IMG_0646 IMG_0649 IMG_0663 IMG_0696 IMG_0746 IMG_0768
Did you like this? Share it:

LEAVE A REPLY

Please enter your comment!
Please enter your name here