Madaxda Wasaaradda Caafimaadka Galmudug oo kulan la qaatay mas’uuliyiin ka tirsan hay’adda Caafimaadka Adduunka “SAWIRRO”

Mas’uuliyiintan oo ka socota Hay’adda Caafimaadka Adduunka ee WHO, uuna hoggaaminayo Dr. Jamaal oo ah madaxa Maleeyriyada ee hey’adda ayaa maanta gaaray magaalada Dhuusamareeb, iyagoo Wasaaradda Caafimaadka Galmudug ka caawinaya dhaqaajinta mashaariicda caafimaad ee Galmudug hore u dalbatay.

Wafdigan oo ka koobnaa farsamo-yaqaano iyo khubaro Caafimaad ayaa kormeeray xarunta Caafimaadka Xanaano ee Dhuusamareeb, gaar ahaan qaybaha, Hooyada iyo dhallaanka, qaybta bukaan jiifka, qaybta talaalka iyo qaybta oxygen-nada oo dhamaantood adeeg dhameystiran siiya bulshada ku nool Dhuusamareeb iyo deeganada ku xeeran.

Wasiirka Caafimaadka Galmudug oo ay wehliyaan Wasiir ku-xigeenka Wasaaradda, Agaasimaha guud iyo Agaasimo waaxeedyada ayaa kulan kula yeeahay Mas’uuliyiiinta WHO xarunta Wasaaradda Caafimaadka, halkaa oo lagu wadaagey xogta Caafimaad ee Galmudug iyo baahiyaha waaweyn ee wax ka qabashada u baahan.

Wasiirka Caafimaadka Galmudug Dr. Cabdiwali Cabdullaahi Jaamac oo kulanka kadib Warbaahinta Qaranka ayaa tilmaamay in madaxda ka socotay Hay’adda caafimaadka Adduunka ay sheegeen inay xoojinayaan adeegyada ay ka caawiyaan isbitaalka.

Hey’adda Caafimaadka Adduunka ee WHO oo Galmudug ka caawisa dhinacyada kala duwan ee adeeg bixinta Caafimaadka ayay dhowr jeer Mas’uuliyiiin ka socota soo booqdey Dhuusamareeb oo ay qiimeyn ku sameeyeen xaaladaha rasmiga ah ee ka jira xarumaha Caafimaad, kuwaa oo iminka lafilayo in laga bilaabo mashaariic ay ka mid yihiin wax ka badalka nidaamka korontada ee Isbitaalada waaweyn.

LEAVE A REPLY

Please enter your comment!
Please enter your name here