Madaxda Wasaaradda Ganacsiga oo ka shirtay dar dargelinta howlaha shaqo ee horyaalla Wasaaradda “SAWIRRO”

Wasiirka Wasaaradda Ganacsiga iyo Warshadaha Xukuumadda Federaalka Soomaaliya Mudane Khaliif Cabdi Cumar, ayaan maanta guddoomiyey shirka toddobaadlaha ah ee Wasaaradda oo loogga hadlay dar-dar-gelinta hawlaha shaqo, gaar ahaan dhammeystirka Xog-kaydiyaha Ganacsiga iyo Habka Onlaynka ah ee diiwaan-gelinta iyo bixinta Laysimada shirkadaha Ganacsiga oo labadooduba maraaya heer gebo-gabo ah.

Barnaamijka Xog-kaydiyaha Ganacsiga, ayaa ah Website lagu uruurinayo guud ahaan macluumaadka kala duwan ee la xiriirta Ganacsiga, kaasi oo ahmiyad weyn u leh dhaqaalaha dalka, fududeynta ganacsiga iyo maal-gashiga. Waxaana muddooyinkii dambe la waday uruurinta xogaha la xiriirta ganacsiga, kuwaasi oo lagu kaydinayey Website ka si ganacstada iyo maal-gashadeyaasha kale ba ay u heli karaan xogaha Ganacsiga iyo Maal-gashiga dalka.

Sidoo kale, Habka online ah ee Diiwaan-gelinta iyo bixinta Laysimada Shirkadaha ganacsiga ayaa isna ah Website ay ganacsatada iyo maal-gashadeyaashu ba si onlayn ah uga soo dalban karaan Laysimadooda Ganacsi, taasi oo fududeynaysa Ganacsiga iyo maal-gashiga dalka, maadaama iyada oo ganacsadahu uu joogo xafiiskiisa iyo meheraddiisa shaqo uu soo dalban karo inuu qaato Laysin Ganacsi.

Barnaamijyqdan, ayaa qeyb ka ah dib-u-habaynta Ganacsiga dalka iyo siddii ganacsatada looggu fududeyn lahaa adeegyada ganacsi ee ay Wasaaraddu bixiso.

 

 

LEAVE A REPLY

Please enter your comment!
Please enter your name here