Madaxwaynaha Galmudug oo sheegay inay soo dhaweynayaan go’aanka shirkii Muqdisho “SAWIRRO”

Madaxwaynaha dawlad goboleedka Galmudug Cabdikariin Xuseen Guuleed ayaa sheegay in maamulkiisu ay taageersanyihin go’aanadii ka soo baxay shirka Madasha wadatashiga Qaran, mar uu warfidiyeenada kula hadlayay magaalada Cadaado ee gobolka Galgaduud.

Mudane Cabdikariin oo ka hadlay aragtidooda maamul ahaan ay ka qabaan go’aanka  laga gaaray qaabka ay noqonayso doorashada Soomaaliya ka dhacaysa sanadkan ayaa sheegay in Madaxda dowlad goboleedyada ay isku aragti ka noqon waayeen hanaanka doorasho ee dalka, balse dowladda Federaalka ah ay gaartay go’aan , kaasi oo ay beesha caalamka ku taageereen.

“Waxaa nasiib darro ahayd in madaxda maamul goboleedyadu ku heshiin waayaan qaabka ay doorashadu noqonayso, taasina ay sababto in dawlada dhexe go’aan qaadato beesha caalamkuna ku raacdo, waa go’aan lama dhaafaan ah waaana soo dhaweyneynaa kan maamul ahaan” ayuu yiri Cabdikariin Xuseen Guuleed.

Mar hadii Go’aan la gaaray ayuu sheegay Madaxwanaha Galmudug in talaabada furani ay tahay in la dhaqangeliyo oo bulshada laga dhaadhiciyo si gaabis kale looga baaqsado, dhinacoodana ay qabanayaan kulamo wadatashi ah oo dadwaynaha looga dhaadhicinayo inay qaabkaasi doorasho u diyaar garoobaan.

Madaxweynaha Dowlad goboleedka Galmudug ayaa hadalkaan sheegay xilli shalay gelinkii dambe uu dib ugu laabtay magaalada Cadaado.

DSC04296 DSC04297 DSC04298 DSC04301 DSC04304 DSC04307 DSC04310 DSC04311 DSC04312 DSC04314 DSC04322Maxamuud Cabdi Diirshe

LEAVE A REPLY

Please enter your comment!
Please enter your name here