Madaxwaynaha Marayakanka oo cafis u fidiyay saraakiil hore loogu xakumay xabsi daa’in

Madaxweynaha Mareykanka Donald Trump ayaa  cafis buuxa u fidiyey 4 sargaal  oo hore uga tirsanaa shirkadda Militariga  gaarka loo leeyahay ee lagu magacaabo Blackwater.

Saraakiishaan ayaa 14 qofood oo rayid ah ku dilay magaalada Bagdaad ee dalka Ciraaq sanadkii 2007.

Bayaan kasoo baxay Aqalka Cad ayaa lagu sheegay in saraakiishaan ay cafiska ku muteysteen sida waanagsan oo ay ugu adeegeen dalkooda iyo taariikhda ay ku leeyihiin shaqada ciidanka.

Sedax ka mid ah saraakiishaan ayaa hore loogu xukumay 30 sano oo xabsi ah halka midka kale lagu xukumay xabsi daa’iin kadib markii lagu helay inay geysteen dil ula kac ah.

 

LEAVE A REPLY

Please enter your comment!
Please enter your name here