Madaxwayne Ku xigeenka Dowlad Goboleedka Galmudug oo ka qeyb galay Munaasabad isbitaal looga furayey Magaalada Dhuusomareeb.

Madaxwayne Kuxigeenka Galmudug mudane Cali Daahir Ciid oo ay wehliyaan mas’uuliyiin uu ka mid yahay maayerka Dhuusamareeb iyo wasiiro ayaa ka qayb galey munaasabada daah furka Isbitaal cusub oo si casri ah loo qalabeeyay, kaasi oo bulshada ku nool Galmudug gaar ahaan caasimadda iyo nawaaxigeeda ay ka heli doonaan adeegyo Caafimaad oo ay u aadi jireen meelo ka baxsan gobolka.

Isbitaalkan oo lagu magacaabo Central Hospital ayay ka howlgali doonaan dhaqaatiir isugu jirta Soomaali iyo ajaanib leh taqasus sare, iyagoo adeegsan doona mishiino casri ah , Sidoo kale Madaxweyne ku xigeenka ayaa kormeeray qaybaha kala duwan isbitaalkan.

Maamulaha guud ee Isbitaalada Central ee Somaliya-Cabdiraxiin Sh. Nuur Nageeye ayaa sharaxay habka uu u shaqeynayo isbitaalkan , waxa uuna xusay in ay diyaar u yihiin in ay daboolaan baahida isbitaal ee Magaalada Dhuusomareeb iyo nawaaxigeeda.

Gudoomiyaha Dhuusamareeb Macalin Cabdiraxmaan Geedaqoroow ayaa xusey in furitaanka faraca isbitaalkan kusoo beegmey xili baahi weyn loo qabay.

Wasiirka Warfaafinta Galmudug Axmed Shire Falagle oo isna goobta ka hadlay ayaa ugu dambeyn ka mahad celiyay hirgalinta isbitaalkan.

LEAVE A REPLY

Please enter your comment!
Please enter your name here