Madaxwayne ku xigeenka Galmudug oo tababar Cadaado uga furay hawlwadeenno ka tirsan Wasaaradda Cadaaladda “SAWIRRO”

1122

Tababarkaan oo soco doona mudo labo isbuuca waxaa ka faa’iideysaanaya qaar ka mida howladeedaha hey’adaha garsoorka Galmuudg, waxana Wasaaradda Cadaaladda Galmuudg ka caawinaya Hey’ada SOSDA .

25 ruux oo  ka kala yimid degmooyinka Galmuudg isla markaana isgu jiro Garsoorayaal, Xeer Ilaaliyaal iyo qaar ka mida saraakiisha saldhigyada ee denbiyada baara ayaa waxaa maanta u furay tababarka Madaxweyne ku xigeenka Galmudug, iyadoo ay ka qeyb galeen Wasiir Ku-xigeenka CalaaDda Galmuudg  iyo mas’uuliin kale.

Tababarka oo ay bixi doonaan xeeldheerayaal dhanka sharciga ah ayaa waxaa lagu bari doonaa ka qeyb gala yaasha cashiro la xiriira xoojinta Hey’adaha Garsoorka iyo inay bulshada u cadaalad falaan.

Xiriiriyaha mashaariicda Hey’adda SOSDA Cumar Maxamuud Rooble ayaa sheegay in tababarkani uusan ahyen kii ugu horeeyay oo ay u qabtaan  Hey’adaha Gasroorka Galmuudg, isagoo sidoo kale tilmaamay inay sii wadi doonaan balse loo baahanyahay in ka qeyb galayaashu ka faaii’deystaan mudadda uu tababarka socdo.

Wasiir ku xigeenka Cadaaladda Galmuudg Maxamuud Guure Guuleed ayaa sheegay in Wasaaraddu ay ku dadaaleyso tayenta garsoorka Galmudug, Waxa uuna tilmaamay in howlwadeenada hey’adda cadaaladda Galmudug horay loogu qabtay tababaro badan si sare loogu qaado aqoontooda.

Maxamed Xaashi Cabdi Madaxweyne ku xigeenka Galmudug ayaa goobta ka sheegay in ka maamul ahaan ay xoogga saarayaan tayenta hey’adaha cadaaladda Galmuudg iyo hagaajinta arrimaha dastuurka.

       

Daahir Faarax

Did you like this? Share it:

LEAVE A REPLY

Please enter your comment!
Please enter your name here