Madaxweynaha oo ka qeybgaley tukashada salaadda jannaasada ee Marxuum Xildhibaan Cabdullaahi Xuseen Maxamuud (Bantu)

Muqdisho, 26 July, 2015: Madaxweynaha Jamhuriyadda Federaalka ee Soomaaliya, Mudane Xasan Sheekh Maxamuud iyo Guddoomiyaha Baarlamanka Mudane Maxamed Cusmaan Jawaari ayaa maanta ka qeybgaley tukashada salaadda jannaasada ee Marxuum Xildhibaan Cabdullaahi Xuseen Maxamuud (Bantu), oo shaley kooxo hubeysan ay ku dileen magaalada Muqdisho.

Madaxweynaha ayaa salaadda jannaasada kadib gacan qaadey ehellada marxuumka, isagoo mar kala uga tacsiyeeyay geerida, isla markaana marxuumka Ilaahay uga baryey inuu naxariistii janno ka waraabiyo.

Madaxweynaha iyo Guddoomiyaha Baarlamanka ayaa si wadajir ah u sheegay in kooxaha nabad- diidka aaney marnaba joojin karin horumarka ay shacabku ku tillaabsanayaan.

Marxuum Xildhibaan Cabdullaahi Xuseen Maxamuud ayaa salaadda jannaasada kadib lagu aasey magaalada Muqdisho.

-DHAMMAAD-

LEAVE A REPLY

Please enter your comment!
Please enter your name here