Madaxweynaha Burundi oo sheegay in uusan mar kale tartami doonin

1029

Madaxweynaha Dalka Burundi, Pierre Nkurunziza,ayaa sheegay Khamiistii Shalay ahayd inuu Xafiiska bannaayn doono marka la gaaro 2020-ka oo uu ku egyahay waqti xileedkiisa.

Xeerka cusub ee Dastuurka Burundi ayaa oggolaanayay in uu xilli Madaxeedkii Shanta Sano ahaa oo laga dhigay Todoba Sano uu dhammaysto Mr; Nkurunziza, isaga oo hayn lahaa Xafiiska tan iyo 2034-ka.

Madaxweyne, Pierre  Nkurunziza, ayaa sheegay inuu taageeraya xisbigiisa basle uu ballan qaadayo inaanu 2020-ka isa soo taagin isaga, mana ahan buu yiri tallaabadani mid lagu marin habaabinaya Shacabka, isagoo ugu baaqay Bulshada inaanan si qaldan loo macnaysan shuruucda cusub ee xilka Madaxweynaha iyo wax ka beddelka Dastuurka.

April 2015-kii ayay ahayd markii ay Dalka Burundi ka billowdeen qalalaaso siyaasadeed iyo rabshado, ka dib markii uu Madaxweyne Pierre Nkurunziza, sheegay inuu mar Saddexaad u taagan yahay xilka madaxtinimo.

Did you like this? Share it:

LEAVE A REPLY

Please enter your comment!
Please enter your name here