Madaxweynaha Puntland oo Madaxtooyada ee Garoowe ku qaabilay Wasiirka Haweenka XFS”SAWIRRO”

Madaxweynaha Dowlad goboleedka Puntland Mudane Siciid Cabdullaahi Deni, ayaa maanta qasriga madaxtooyada ee Garoowe ku qaabilay wasiirka wasaaradda haweenka iyo Horumarinta xuquuqda Aadanaha ee dowladda federaalka Marwo Xaniifa Maxamed Ibraahim (Xaabsade) iyo wafdi ay hoggaaminayso.

Madaxweynaha iyo wafdiga ka socda dowladda federaalka Soomaaliya  ayaa ka wada hadlay marxaladda doorashada gaar ahaan doorka haweenka, iyo sidii ay ku heli lahaayeen  qoondo ku filan ee kuraasta labada aqal ee baarlamaanka Soomaaliya.

Kulanka waxaa ka qeybgalay wasiirka wasaaradda haweenka iyo horumarinta qoyska ee Dowlad goboleedka Puntland Marwo Aamina Cismaan Xaaji, Wasiir ku-xigeenka Wasaaradda haweenka iyo horumarinta qoyska  Puntland Marwo Sahro-kiin Cabdi Xirsi, Agaasimaha guud ee wasaaradda haweenka ee Soomaaliya Mudane Deeq Suleymaan iyo AF-hayeenka madaxtooyada  Puntland Mudane Jaamac Dabaraani.

LEAVE A REPLY

Please enter your comment!
Please enter your name here