Madaxweynaha Gal Mudug oo soo dhoweeyey heshiiska lagu sameynayo Dowlad Goboleedka gobollada Sh/Dhexe iyo Hiiraan

09 August 2015  Madaxweynaha Dowlad Goboleedka Soomaaliya, Mudane Cabdikarin Xuseen Guled, ayaa soo dhoweeyey saxiixi ishalay ay mas’uuliyiinta iyo siyaasiyiinta gobollada Shabeelaha Dhexe iyo Hiiraan ay kuheshiiyeen in ay sameystaan DowladGoboleed. Madaxweyne Guled ayaa yiri “Heshiiskii shalay waa bilowgii dhismaha Dowlad Goboleedka gobollada Shabeelaha Dhexe iyo Hiiraan, waana tallaabo wanaagsan oo nooga wada baahan inaan taageerno,  soodhoweyno, iyo inaan la wadaagno khibradaheena si maamulkaas u noqdo mid u adeega danaha shacabka deegaanadaas.”

Madaxweynaha Dowlad Goboleedka GalMudug ee Soomaaliya Mudane Cabdikarin Xuseen Guled, ayaa sheegay in Gal Mudug ay diyaar u tahay in ay taageerto sidii maamulkaas u dhismi lahaa.

Madaxweyne Guled ayaa yiri “GalMudug waxey diyaar u tahay wax walba si maamulka gobollada Shabeelaha Dhexe iyo Hiiraan uu u noqon lahaa mid si qurux badan kudhamaada.

WaxaanaDiyaar Ula Nahay inaan la wadaagno waayo aragnimadii aan kasoo dhaxalnay sameyntii GalMudug.

Sidoo kale waxaan rabnaa in dadka deegaanka gobollada Sh/Dhexe iyo Hiiraan ay muujiyaan tanaasul, dulqaad, Samir iyo in ay danta guud marwalba kahorumariyaan danahagaar-gaarka ah.”

Madaxweynaha Gal Mudug ayaa sheegay in ujeedada dhaqan gelinta nidaamka Federaalka ay tahay in shacabka deegaanka laga qeyb galiyo talada oo awoodaha siyaasada iyo dhaqaalaha la baahiyo lana gaarsiiyo dhammaan deegaanada dalka.

Madaxweyne Guled ayaa yiri “dhammaan Dowlad Goboleedyada iyo guud ahaan shacabka Soomaaliyeed waa in ay si hagar la’aan ah u soo dhoweeyaan islamarkaana ay kaalintooda uga qaataan dhaqan gelinta nidaamka federaalka oo ujeedadiisu tahay in xukunka lagu baahiyo dhammaan deegaanada dalka oo dhan, si loo helo maamulo u adeega shacab.”

Madaxweyne Guled ayaa hadalkiisa ku soo gabogabeeyey “Gobollada Sh/Dhexe iyo Hiiraan waa gobollo ku yaalla goobo istraatejiyad ah, islamarkaasna leh kheyraad fara badan oo keeni kara in ay isku fillnaadaan oo ay gobollada kale ee dalka miisaaniyadooda kabana

Sidaas daraadeed, Gal Mudug waxey dooneysaa in nidaamka lagu dhisayo DowladGoboleedka uu noqdo mid dadka deegaanka laga wada qeybgeliyo,

Ugu danbeyn madaxweyne guuleed ayaa ugu baaqay dowladda federaalka Somaliya in ay ilalaiso xuquuqda shacabka ku nool gobolka Bananadir ay u leeyihiin qeybtooda Federaalka, sidoo kalene u sameyso caasimadda dalka Maqaam gooni ah si ay ugu noqoto shacabka Soomalaiyeed caasimad.

 

DHAMAAD

 

LEAVE A REPLY

Please enter your comment!
Please enter your name here