Madaxweynaha Galmudug iyo wafdi uu hoggaaminayo oo gaaray deegaanka Bitaale ee gobolka Mudug

Madaxweynaha maamulka Galmudug Axmed Cabdi Kaariye Qoor Qoor iyo wafdi uu hoggaaminayo oo safar dhul ah ku maraya deegaanada Mudug ayaa maanta gaaray deegaanka Bitaale ee gobolka Mudug,halkaas oo si weyn loogu soo dhoweeyay.

Madaxweynaha ayaa safarkiisa waxaa ku wehlinaya xubno ka tirsan labada gole ee maamulka iyo Xildhibaano ka socda Federaalka oo ka soo jeeda Galmudug.

Madaxweyne Qoor Qoor ayaa shacabka iyo maamulka Bitaale uga mahad celiyay soo dhoweynta heerka sare ah ay u sameeyeen,wuxuuna deegaanka qiyaastii 40-km  u jiraa magaalada Gaalkacyo.

Mudada uu madaxweynaha ku sugan yahay deegaanka wuxuu kulamo kala duwan oo intooda badan diirada lagu saarayo horumarka deegaanka la yeelan doonaa maamulka iyo Bulshada qeybaheeda kala duwan ee deegaanka.

LEAVE A REPLY

Please enter your comment!
Please enter your name here