Madaxweynaha Galmudug oo booqanaya deegaanadii dhowaan lagu dagaalamay

Madaxweynaha maamulka Galmudug C/kariim Xuseen Guuleed iyo xubno ka tirsan maamulkiisa oo xalay ka ambabaxay magaalada Gaalkacyo ayaa saaka lagu soo waramayaa in ay gaareen deegaanka Jirey oo kamid ah goobihii dhowaan ay ku dagaalameen ciidanka Galmudug iyo maleeshiyaadka Al-shabaab ee bariga gobolka Mudug.

U jeedada kormeerkan ayaa lagu sheegay in ay tahay sidii mas’uuliyiinta ay u ogaan lahaayeen xaaladda deegaanada iyo sidii loo dhiirgelin lahaa ciidanka maamulka Galmudug maadaama ay ka itaal roonaadeen kooxda Al-shabaab.

Madaxweynaha dowlad goboleedka Galmudug, C/kariim Xuseen Guuleed, ayaa sheegay in dagaalka ciidanka maamulkiisa ay la galeen kooxda Al-shabaab ay ugu dileen in k badan 110 maleeshiye halka tiro kale oo ku dhow 100 maxaabiis ahaan loogu qabtay isla markaana lagu hayo xabsiyo ku kala yaala magaalooyinka Cadaado iyo Gaalkacyo.

C/kariim Xuseen Guuleed, madaxweynaha maamulka Galmudug ayaa sidoo kale sheegay in ay ka go’an tahay in ay bacsadaan haraadiga maleeshiyaadka laga adkaaday eek u dhuumaaleysanaya deegaanada maamulkaasi.

LEAVE A REPLY

Please enter your comment!
Please enter your name here