Madaxweynaha Galmudug oo hambalyo u diray ciidamada qalabka sida ee guulaha ka gaaray howlgallada lagu baacsanayo argagixisada

Madaxweynaha Dowlad Goboleedka Galmudug Mudane Axmed Cabdi Xasan Kaariye Qoorqoor ayaa hambalyo iyo bogaadin u diray ciidamada qalabka sida ee guulaha ka gaaray howlgalladii lagu sifeynayay argagixisada Al-Shabaab, isagoo ku dhiiri geliyay inay sii wadaan howlgalka ka dhanka ah maleeshiyada Al-Shabaab.

Madaxweynaha Galmudug ayaa xusay in ciidamada qalabka sida ay guulo la taaban karo ka keeneen, waxaana uu shacabka Galmudug ugu baaqay inay garab istaagaan ciidamada qalabka sida.

“Ciidamada qalabka sida ee ku sugan aagga Gobolka Mudug ayaa howlgal socdy labo maalin guulo la taaban karo ka gaaray, waxaana ay jab xoogan u geysteen  maleeshiyada Al-Shabaab’. Ayuu yiri Madaxweynaha Galmudug.