Madaxweynaha Galmudug oo ka qeybgalay munaasabad lagu dhaarinayay xubnaha cusub ee Garsoorka Galmudug “SAWIRRO”

Madaxweynaha Dowlad Goboleedka Galmudug Mudane Axmed Cabdi Kaariye ayaa ka qeybgalay munaasabad lagu dhaarinayey xubnaha cusub ee Garsoorka Galmudug.

Munaasabaddan oo ka dhacday xarunta Madaxtooyadda Galmudug ayaa waxaa ka qeybgalay, Guddoomiyaha Barlamaanka, Guddoomiyaha Maxakamadda Sare iyo mas’uuliyiin kale.

Xeer-ilaaliyaha Guud, Taliyaha ciidamada Booliiska Dowlad Goboleedka Galmudug Guddoomiyaha Maxkamadda Ciidamada qalabka sida ee Galmudug, Hanti-dhowrka Guud, xubno ka tirsan labada Gole ee dowladda iyo dhammaan howl-wadeennada cadaaladda.

Guddoomiyaha Maxkamadda Sare ee Galmudug Garyaqaan, Cabdullaahi Maxamuud Gacal, ayaa  dhaariyay garsoorayaasha cusub.