Madaxweynaha Galmudug oo ku laabtay caasimadda Galmudug, kadib safarkii Jabuuti

Madaxweynaha Dowladda Galmudug Axmed Kaariye iyo wafdi uu hoggaaminayo oo maalmahan booqasho rasmi ah ku joogay Dalka Jabuuti ayaa maanta dib ugu laabtay Caasimadda Galmudug ee Sama-reeb.

Madaxweynaha iyo wefdigiisa waxaa garoonka diyaaradaha Ugaas Nuur ee magaalada Sama-reeb ku soo dhaweeyey Guddoomiyaha golaha Barlamaanka Galmudug Dr. Maxamed Nuur Gacal, xubno ka tirsan labadda gole ee Galmudug, Hawl-wadeennada Madaxtooyada iyo qeybaha bulshada.

Mudane Axmed Cabdi Kaariye ayaa intii uu Jabuuti ku sugnaa waxa uu kulan la qaatay Madaxweynaha dalkaasi aanu walaalaha nahay mudane Ismaaciil Cumar Geelle, Wasiiro ka tirsan dowladda Jabuuti iyo madaxda sare ee Dekadaha dalkaas, waxaana ay ka wada hadleen iskaashiga dhinacyada kaabayaasha dhaqaalaha, amniga iyo la dagaallanka xagjirka.

LEAVE A REPLY

Please enter your comment!
Please enter your name here