Madaxweynaha Galmudug oo shacabka Soomaaliyeed uga tacsiyadeeyay geerida Ugaas Axmed  Taakow

Madaxweynaha Dowlad Gobaleedka  Galmudug Mudane Axmed Cabdi Kaariye, isagoo ku hadlaya magaciisa, kan dowladda iyo ka shacbiga Galmudug wuxuu dhambaal tacsi ah u dirayaa dhammaan qoyskii, eheladii, qaraabadii, asxaabtii, iyo bahda dhaqanka ee uu ka baxay Allaha u naxariistee Ugaas Axmed Barre Cali (Taakooy) oo kamid ahaa hoggaamiyeyaasha Dhaqanka Galmudug.

Madaxweynaha Galmudug wuxuu marxuumka ku sifeeyey hoggaamiye dhaqan, oo udub- dhexaad u ahaa nabadda iyo dib-u-heshiisiinta Gobolka Galgaduud, waxaana lagu xasuusan doonaa doorkiisii dhismaha maamulka Galmudug 2015.

Mudane Axmed Kaariye wuxu marxuumka  Alle uga baryay inuu naxariistii janno Eebbe ka waraabiyo, samir iyo iimaan saadiqana ka siiyo ehelkii iyo qaraabadii uu ka baxay.

INAA LILAAHI WAA INNAA ILAYHI RAAJICUUN.

LEAVE A REPLY

Please enter your comment!
Please enter your name here