Madaxweynaha Galmudug oo shahaado sharaf guddoonsiiyey ardaydii ugu sarreeysay Imtixaanka Dugsiyada sare ee Dalka “SAWIRRO”

Madaxweynaha Dowlad Goboleedka Galmudug Axmed Cabdi Kaariye “Qoorqoor”  ayaa maanta xarunta Madaxtooyada kulan soo dhaweyn iyo dhiirigelin ah kula yeeshay ardaydii Galmudug ee kaalmaha 1-aad, 9-aad iyo 10-aad ka galay imtixaankii dusiyada sare ee dalka sannad dugsiyeedka 2020-2021.

Mudane Axmed Cabdi Kaariye ayaa uga mahadceliyey ardayda dadaalka ay muujiyeen iyo guusha ay ka gaareen halgankoodii Waxbarasho oo ay  soo wadeen muddo dheer, isagoo shahaado sharafeed guddoonsiiyey Cawaale Axmed Awcali oo ah ardaygii  kaalinta 1-aad ka galay imtixaankii dugsiyada Sare shahaadiga ah ee dalka, Maxamed Cabdinaasir Saciid, iyo Maxamed  Cabdirisaaq Maxamuud oo iyana kala galay kaalmaha 9aad iyo 10aad.

Ugu danbayntii Madaxweynaha Galmudug ayaa Wasaaradda Waxbarashada ku ammaanay dadaalka ay ka geysteen sare u qaadidda aqoonta iyo tayeynta Waxbarashada.